سفیر الحب

ارید اکتب نظم وارسم معانیه

ما طاوعنی قلمی ابطور ابوذیه

ما طاوعنی قلمی ابلذتی سکریت

من کثر القوافی ابنومتی طبیت

القصیده اتصیح لی و ابحبهه اشتاقیت

غنیت ابعزاء شعری ابموالیه

کتلنی الهضم من هل خوه یا هل ناس

بس مرسوم له مس او یلط بل کاس

یخبط بل خباثه ابکره یبنی الساس

فَکّر بل جدار اشلون تالیه

جدار الخوه هیچی ما یضل مستور

ما تجذب اخوک امزامط او بل زور

گلبک من صخر و السانک المخطور

یخرط کل مسلسل کذب لیلیه

لیلیه افکر بیک ما مرتاح

ناطور ابزرعکم اسگی او فلاح

اطم ازروف واحصد واکنس المصطاح

کل هذا التعب محصولی جونیه

جونیه محصولی او شبلی او خزمه

ایکده ابو کلاش او یاکله ابو چزمه

بارد یشرب المای ابعطف عزمه

لا تعبان لا محتر ابشرجیه

لابِد تحت کوخه نایم او سکران

ابو جاسم یصیر او یاکل الگطان

بس بل حچی ملسون او طویل السان

ما عنده ادب کثّر بلاویه

خلّصت الصبر من ذلهم اتاذیت

ما عندی عذر کل مده ادشهم بیت

یسمّونی ذلیل ابزورهم طریت

لاکن من کلام الناس شد بیه

شد بیه الهضم و انشدت اسراری

ما اگدر اناسی واگعد ابداری

کبیر السن حرامی او بایگ ایزاری

بلّعت العتب و ارجف ابشتویه

گذّرنه العمر و انمصلح ابترحاب

دشینه ابیوت او سد علینه الباب

لا واحد ینصحه او لا تفید احباب

یلدق بل کلام کل حیه سمّیه

الخوه اترید واحد یلتزم بیهه

شجره لو عطش بل دمع یسجیهه

اذا تاهت الخوه ایصیر راعیهه

یداوی اجروحهه ابعگله او معانیه

الخوه مای صافی اترید یا عطشان

مو خابط شربت امسودن او زعلان

تسد اعروگ گلبک یا صغیر الشان

بل حمگه تگرب موتک اشویه

الاخوا ما ینحگر لو هوه سید الگوم

اذکر حاتم الطایی شخص معلوم

طیع الزین اخوک او لا تظل میشوم

تضل ارماد عدوانه او سوانیه

تدری بیه سبع و اتکرهه سبع اشبول

جامع کل عمامه ابخوتک معلول

یا خاین عمیل اعداه یا مسلول

الحسد یحرگ دم الخوه او مجاریه

کف من الکره و اتحده الماضی

شاب الراس منک و انته متقاضی

تحفر تحت اخیک لیش یا راضی

نسیت الوگفه ابضیجک یشع ضیه

نسیت ابدمه شرّب گلبک العطشان

او نسیت ابیوم واگفلک جسر یفلان

او نسیت ابچاه لجلک یوم تحت الدان

علی چلمت زعل تنکث الخاچیه

عتب ما ضل بعد لا اکشف او ما اگول

طرگاعه علی طحتوا و انا مسلول

سدیت ابعذاب الخوه شط الچول

انه اویاکم تضل سالفتی منسیه

لا تشبع الگاع ابمای یسگیهه

او لا تشبع اگلوب الخوه خاویهه

ولا تنسد العَبره ابیوم حادیهه

مطر تمطر غضب دنیاک خرمیه

ما بعدیت منکم و انه الخسران

ما فریت منکم و انه المنهان

سکنت اگبالکم بل گهوه و الفنجان

شرار اذنوبکم توصلنی لیلیه

اسنین اتعدت او جربت غیرتکم

ملتفین بس بل مکر صحبتکم

اذا دشیتوا بیتی العازه جرتکم

اذا دشکم فرح صرتو ا  حرامیه

صیحتوا ،شتمتوا شنهی التالی

ما تدرون اخیکم طیب او غالی

عند الناس صیته انرفع متعالی

چویتو اگلوبکم بل حربه والخیه

عنده احفاد معدودین بل الاف

او عنده اصحاب موجودین له لتخاف

او عنده صبر و اعلوم التوزع الطاف

لاکن ما ظهرهن حبکم ابفیه

اذا اتشمتون عدوانه مذله الکم

اذا اتنطقون بفعاله مسره الکم

اذا اتشدون ظهره ساعده الکم

ابیوم الکون تتناثر محاچیه

اذا اتطوفونی بل خطبه مو خسران

عاقبتک یتیم او گاعد ابدیوان

یسیر الگعده تصبح تلبچ او حزنان

ما تعرف طریجک میه بل میه

خسران ابعشرتک و اسمع ابلومک

ما تستحی او زحمه اتشگگ اهدومک

انا المالوم کل الناس متلومک

تدری بیک حشفه او وخم شاطیه

گصیت الگلب شلعیته من عرگه

او نگعته ابجفاکم بالکل او سرکه

او شریته ابغصن ریحانت الفرگه

یبس مستقبله ابفعل الانانیه

لا تعتب بعد لا اذکر افراگک

اجانی الغیر بل ضیج او گطع ساگک

ابوک امرار حشم لل خلگ عاگک

عاگ الوالدین انته یبو اعصیه

روح و الف روحه ما اریدنک

شلت من گلبی غصبن ما ارجعنک

عساک ابخیر و افعالک یحمدنک

ابلسانک چملیت الغیبه ترچیه

خربت الولد من طشریت ادیار

من اذکر الماضی ابصورتک احتار

چنت جاهل افکارک لیره و الدینار

من کبریت زحت الخجل و الدیه

بعد ما امر علی دربک ولا ازورک

بعد ما ادش محاریک ولا دورک

گفلت الباب منی او گاعد ابسورک

اهلال الجاک ما طخ لل حرامیه

ابو امهیدی جسر لل غربه و اخوانه

او یوم الضیج ما ترتاح عدوانه

بل حگ یلهم الفولاد بسنانه

کصر طوفان عدوانه ابمعانیه

من الشاعر جاسم امحمد الجبیره الحسّانی السلیماوی

الساری 25/02/1391